Elimu Sekondari

Mkuu wa Idara:Mwalimu Richard A. Mwakihaba

Halmashauri ya wilaya ya Geita ina shule za Sekondari 30  zote ni za Serikali, ina jumla ya wanafunzi 18,540 (Me.10,495,Ke.8,045) na jumla ya walimu 803 (Sayansi:382,Sanaa:679)  kama inavyoonyesha kwenye majedwali;

Idadi ya wanafunzi

Idadi ya waalimu

Hali ya miundo mbinu

Majukumu ya Msingi ya Idara;

• Kuwakilisha Wizara ya Elimu Sayansi, na Teknolojia katika ngazi zote katika Halmashauri kuhusu Elimu sekondari.
• Kufafanua na kusimamia utekelezaji wa sera ya  Elimu na Mafunzo ya ufundi, sheria na kanuni zinazoongoza utoaji wa elimu ya sekondari.
• Kumshauri Mkurugenzi  Mtendaji wa Halmashauri kuhusu masuala yote ya elimu ya sekondari.
• Kusimamia upanuzi wa Elimu Sekondari katika Halmashauri.
• Kusimamia haki na maslahi ya walimu na watumishi wengine wa ngazi ya elimu ya sekondari katika Halmashauri.
• Kuratibu na kusimamia mitihani ya kitaifa inayoendeshwa kwa shule za sekondari katika Halmashauri.
• Kusimamia na kudhibiti Akaunti ya Elimu ya Sekondari na kuhakiisha kuwa fedha ya Elimu ya sekondari inatumika kama ilivyokusudiwa.
• Kutayarisha na kusimamia utekelezaji wa mipango ya maendeleo ya elimu sekondari kila mwaka.
• Kufuatilia na kuthamini maendeleo ya Elimu ya sekondari katika Halmashauri;
• Kuhimiza shule zote za sekondari kuinua ubora wa mazingira ya kujifunzia na kufundishia ikiwa ni pamoja na kujenga madarasa, Nyumba za walimu , na Vyoo.
• Kuhimiza udhibiti na nidhamu ya walimu na wanafunzi wa shule za sekondari katika Halmashauri.
• Kufuatilia utekelezaji wa Taarifa za ukaguzi shule za sekondari katika Halmashauri.
• Kusimamia maendeleo ya taaluma na michezo ya shule za sekondari katika Halmashauri.
• Kuratibu ,kukusanya na kuchambua takwimu za Elimu ya sekondari katika Halmashauri.
• Kuhakikisha walimu wa shule za sekondari wanaopangwa katika Halmashauri kwa kuzingatia ikama inayokubalika.
• Kufanyakazi nyingine zitakazoelekezwa na Mkurugenzi Mtendaji wa Halmashauri.

 Mikakati ya kuboresha elimu ya sekondari 

• Halmashauri imepanga kuhakikisha shule ya Bugando na Kamena miundombinu yao inaboreshwa ili kuhakikisha zinakuwa na madarasa ya kidato cha V na VI.
• Masomo ya ziada yameendelea kufundishwa kwa madarasa ya kidato cha II na IV
• Walimu wa Sayansi na Hisabati wanapata mafunzo ya mara kwa mara kupitia mradi wa kuboresha ufundishaji wa masomo ya Sayansi na Hisabati.
• Kuwashirikisha wananchi katika uboreshaji wa miundombinu ya shule.
• Kushirikiana na Halmashauri ya wilaya katika kusaidiana na wananchi kutoa elimu kwa wanafunzi kuhusu athari za mimba shuleni, UKIMWI na madawa ya kulevya.
• Kubaini na kutoa taarifa Serikalini kuhusu upungufu wa walimu uliopo shuleni na kupanga walimu wanaoajiriwa kwa kuzingatia IKAMA.
• Kuhakikisha wakuu wa shule wanatoa taarifa za utoro na kila wakati na ufuatiliaji unafanyika mara moja ikiwamo kuwachukulia hatua wazazi wenye wanafunzi watoro.
• Kuwahimiza na kuwashawishi wazazi kuchangia uji na chakula cha mchana kwa wanafunzi.