Wasimamizi Wasaidizi wa Uchaguzi Watakiwa kuzingatia Maadili ya Utumishi wa Umma

Posted on: October 5th, 2019

Wasimamizi Wasaidizi wa Uchaguzi ngazi ya Halmashauri,Kata,Vijiji pamoja na Waandikishaji  wapiga kura , Wametakiwa kufuata na kuzingatia kanuni za utumishi wa Umma katika zoezi la uchaguzi wa Serikali za mitaa ili kuepuka vurugu na kutoweka kwa amani katika uchaguzi huo.

Akizungumza katika Semina ya mafunzo elekezi  ya uchaguzi wa serikali za mtaa iliyowahusisha wasimamizi wasaidizi  ngazi ya kata,kijiji,Halmashauri na waandikishaji wapiga kura ndani ya Halmashauri ya Wilaya ya Geita,Mkurugenzi mtendaji wa Halmashauri Wilaya ya Geita Ndugu,Ali Kidwaka amesema Halmashauri haitawavumilia wasimamizi wasaidizi wa uchaguzi watakao enenda kinyume na taratibu na kanuni za uchaguzi.

Wakati huo hakimu mkazi wa Halmashauri ya Wilaya ya Geita, Hakimu Kiiza Sostenes amewatahadharisha wasimamizi wasaidizi hao kutovunja kiapo walicho hapa kwani kufanya hivyo ni kosa kisheria na watachukuliwa hatua.

Kwa upande wa washiriki wa mafunzo hayo elekezi wamesema uchaguzi wa mwaka huu wa Serikali za Mitaa unaishara ya utulivu na watazingatia sheria na miongozo ya uchaguzi.

Jumla ya wasimamizi wasaidizi 814 kutoka ndani ya Halmashauri ya Wilaya ya Geita wameshiriki katika semina hiyo elekezi iliyokwenda sambamaba na kula kiapo ikiwa ni Ishara ya kusimamia uchaguzi kwa haki na weledi katika uchaguzi wa serikali za mtaa Tanzania unaotarajiwa kufanyika Novemba 24 Mwaka huu.