Majukumu ya idara ya Elimu Msingi yanatekelezwa kutegemea vitengo vilivyopo kama vile Taaluma, Takwimu na Vifaa, Elimu ya Watu wazima pamoja na Elimu Maalum. Aidha majukumu hayo yanatekelezwa kwa ngazi za kata na vijiji kupitia Waratibu Elimu Kata pamoja na walimu wakuu katika shule za serikali na binafsi. Majukumu hayo ni kama ifuatavyo:-
Kufuatilia utoaji wa taaluma bora mashuleni.
Kuratibu, kusimamia, kuendesha na kutathmini mtihani wa darasa la pili, nne na la saba, pamoja na mitihani ya ufundi kwa kushirikiana na Baraza la Mtihani Tanzania.
Kubuni mipango ya kuimarissha na kuendeleza taaluma ya walimu na wanafunzi.
Kushiriki katika uchaguzi wa wanafunzi watakaojiunga na kidato cha kwanza.
Kufuatilia na kusimamia utekelezaji wa taarifa za ukaguzi.
Kukusanya, kuchanganua, kutuma na kutoa takwimu sahihi.
Kuratibu mashindano ya taaluma katika shule mbalimbali.
Kuratibu utoaji wa huduma muhimu kwa wanafunzi kama vile mahudhurio, uhamisho na huduma za chakula.
